Oleh: Novriza Rahman | Mei 15, 2011

Biasalah pian ka Tanuhi.?

Semalam ulun di Tanuhi

Kamis, 17 Pebruari 2011.
Tanuhi, obyek wisata di kota Kandangan. Hulu Sungai Selatan.

Bajajalanan membawa keluarga, selajur mencobai mutur hanyar…. ae kita dapat Honda Jazz manang dicabutan kuaci. Tujuan pamulaan ka Padang Batung, meilangi keluarga selajur meliati bibit rambutan Garuda.

Asa puas meliat bibit rambutan (pas baluman babuah jua lagi, jakanya anu…..) langsung ae kita, isteri tercinta & tersayang, Ali Yasin (ini junior ulun) berangkat ke Tanuhi, obyek wisata pemandian air panas.

Sekitar 1 jam….(umaaaa lambatnya ka Tanuhi) asa takutan jua kita, samana kada beisian SIM, samana sorang hanyar haja jua bisa manyupir…han luku.

Hehehe…sawat tapikirakan jua, lamun ka Banjarmasin barapa jam kikira…?? Bisa 10 jam….singgah di Rantau 2 jam, ae….Binuang 3 jam ….ae Pulau Pinang 2 jam… ae Martapura 2 jam…..ae Banjarbaru 3 jam…. Jiaaah 12 jam wal ae…..

Back tu sturi…..

———-> sampai jua sakalinya di Tanuhi.

Buka lawang, turun di mutur, kacamata angkat kadahi…. Tarik nafas dalam2….. Tahan…. 1..2…3… Pruuut… neeeee takantut ulun.🙂

Liat kiri…mmmmm…ssssseeeeh… liat kanan….u’uw ada ada 2 ikung turis ey, binian lawan lakian…. Dalam hati ulun himung jua baisi obyek wisata lamun turis haja hakun datang.

Sebagai lulusan terbaik UNLAM – BJB JPOK…hehehe…. jiwa sportivitas ulun bergejolak… Bagimit baparak lawan turis…gagawaian klo hakun baputu…(malaran sagan putu profil FB, alay). Nah hikamam…. Umi-nya Ali, ae…. isteri ulun nang paling ulun sayangi, kada mambulih akan..hedeeeh..

Ulun bajalan babulik..

Tapi hasrat untuk berkenalan lawan turis tsb masih menggebu.. Hayaaaah..,

TINK….!!!💡

Neeeeh bujur….! Umi nya Ali guru bahasa linggis eh….bahasa inggris klo neh…. Hahay….

—————————————-
Abi Ali (A.A) : Umi Ali… Pian talihay pada ulun bahasa inggris

Umi Ali (U.A.) : napang tadeh…??

A.A : cuba pang takuni buhan turis nintu, kaya apang tanggapan buhannya Tanuhi kita neh…?

U.A : ( —- dalam hati : asa koler…. napa2 kah Abi neh….)

A.A : (sambil manggasak) nyaman kita tahu….

Cacaricis – cacaricus….. Umi Ali bapander bahasa inggris… Ulun dihiga asa kagum jua lawan bini sorang neh, mana bungas langkar….ae bahasa inggris harat ha pulang.. kada kaya sorang… tasasalihu bahanu ilat :X

Ooouuu….he’eh he’eh… sadikit nang sorang mangarti ngarannya Jhon lawan Eva, turis asal ostrali…. Tuntung bapanderan lawan turis Umi Ali lansung manarik tangan sorang.

AA : ae napa mi….??

UA : anu bi…., supan kita kaya ini…

AA : napang teh..??

UA : ulun tadi batakun dimapa tanggapan sampeyan badua tentang obyek wisata disini…

AA : napa jadi sawat supan..?? napa jer buhannya mi…??

UA : ujar buhannya Obyek wisata disini sabujurannya bagus…tapi sayang kada kaya buhannya bayang akan di banua.. Cuba liati cottage, gaya nya kaya hotel….padahal harapan buhannya cottage nintu kaya di pilim-pilim bahari, kada usah ada kulam renang, yang kahandak buhannya mudil ada nuansa alamnya, hatap rumahnya pakai daun rumbia misalnya, ini dinding samin..hatap M*#TYROOF… Di banua buhannya gen banyak lamun kaya ini….

AA : heeh lah….asa supan jua kita….baik kita capati bulikan…..
—————————————-

Beem breeem……..tit tiiiiit….!!!! Honda Jazz sorang pangsar kaya pilim The A-Team…. Tihang listrik 4 bilah pengkor, warung jablay rubuhan…!!!😀😀 kada ah.

PE..PE…. PEMIRSA..!!
Apa yang bisa kita tahu dari 2 turis itu…??

1 kata mungkin…

K E C E W A

makasih Tanuhi alam mu sudah memberikan yang terbaik buat Kandangan…..

Cukup ALAM… Bukan KOLAM..!!!

Tapi pian biasalah ka Tanuhi…???


Kategori

%d blogger menyukai ini: